أعلنت يوم أمس الأحد الفنانة الجزائرية ياسمين بلقاسم، عن طلاقها رسميا من زوجها الفنان إسلام برناوي، بعد سنوات من الزواج.
وبعد إعلانها عن خبر الطلاق، تداول الخبر بكثرة على مواقع التواصل الإجتماعي، وتعليقات كثيرة تقول أن الخبر غير صحيح. وأن ياسمين بلقاسم نشرت هذا الخبر من أجل الترويج عن أغنية أو مشروع لها ستطلقه.
وردت بلقاسم عبر “ستوري” على صفحتها الرسمية على “الأنستغرام”، على هذه التعليقات وقالت: “من فضلكم ما تعيطوليش مارانيش قادرة نهدر. ومرانيش راح نقول تفاصيل لحتى مخلوق، لمدة 6 سنوات من الزواج ولا مخلوق على وجه الأرض كنت نحكيلو مشاكلنا. وكيما كنت دايما نوصيكم كنت دايما دايرة دور الزوجة الفحة اللي ما تخرجش اسرار دارها وتحاول انها دايما تصلح وترمم وتسقم وتتنازل وتضحي باش العلاقة تمشي كيما أي مرأة فحلة”.
مضيفة: “لكن الله غالب كل انسان عندو طاقة لازم يحترمها سينو يدخل زنقة الهبال، هذا لا يعني انو هو إنسان ماشي مليح ولا أنا ماشي مليحة. لا لكن المكتوب خلاص بيناتنا وأنا تعلمت دروسي وإنتهى”.
وتابعت ياسمين القول: “القرار كان متفق عليه بيني وبينو وأنا أعلنت ماشي باش ندير البوز كيما راني نقرى. خاطر لوكان عيني فالبوز عندي بزاف حاجات ندير بيهم البوز غير هاذ الحكاية أنا أعلنت لأنو كيما الزواج إعلان الطلاق ثانني اعلان، وكيما تلاقينا فالخير تفارقنا فالخير وإنتهى الموضوع”.
وقالت الفنان ىالجزائرية في “ستوري” آخر: “واش هو شكلكم بعد ما يفوت الوقت وما تصيبو لا كليب لا أغنية لا هم يحزنزن. ما عييتوش ونتوما تضلو تكذبو عالناس وتخترعو حكايات من راصكم. أنا ماشي منحطة ولا ناقصة اسم باش نتاجر بحكاية كيما هادي ونفاول على روحي”.
“عمري ما كان أسلوبي منحط لهذه الدرجة عمري ما ضاربت مع بنادم باش يطلعولي المشاهدات حتى. فما بالك في اني نفاول على حياتي بحاجة قراف كيما هاذي. عيب والله بنادم راهو فيما عطاه ربي ونتوما كل يوم حكاية وتنشروا فالكذب والخرطي”.
